Dakwah : Iman Kepada Allah

IMAN KEPADA ALLAH

السلام عليكم ورحمةالله وبركاته

الحمد لله رب العالمين والصلاةوالسلام على اشرف الا نبياءوالمرسلين

سيدنا محمد وعلى اله وصحبه اجمعين امابعد

Sininna tomatoa malebbikku engka fada riamasei ri Fuang Allah Ta'ala

Fada laoni mai natofada rifatarakka tanra asukkureng marajata lao risese arajanna nasaba engkata maneng muakkissi fada nawereng umuru malampe nennia adising-disingeng sehingga engkakisi hadere rilalenna iyewe onrong malebbi'na dega laing sangadinna maelo lolongengngi afatiroanna rilino matti ri esso monrinna.

Makkotofaro faimeng salawa nennia appassalamaE lao ri nabitta Muhammad Saw, nabi iya simata engkae pajelloreng laleng madeceng lao riummana sehingga mancajiki seddi tau riamasei.

Sininn tomatoa malebbikku engkae fada riamasei rifuang Allah Ta'ala.

Engkaka tettong riolo alebbiretta maneng tanniya makkeda maelo'ka riyaseng macca tanniyato makkeda maelo'ka pagguruki akan tetapi maelo jalankangngi fasserona Fuang Allah Ta'ala nennia fassurona Nabita Saw yanaritu engkaki fada simata sifarengngerangi. Jaji naiya mua maelo'E urampengekki rilalenna iye onrong malebbie yanaritu ritujunna riasengnge "Teppe" yarega tomakkeda IMAN. Makkedai rilalenna siddie dalil yanaritu :

ياايهاالذين امنوااتقوالله

Bettuanna :

E, sininna to mateppe'E fada engkako mennang fada metau ri Fuang Allah Ta'ala.

Parellu ritu rifahang madeceng makkeda riasengnge tau mateppe yanritu tau iya simata engkae pangngoloi ati macinnonna lao ri Fuang Allah Ta'ala sehingga nalolongeng riasengnge Taqwa. Naiya mua riasengnge taqwa yanaritu simata matturu lao rifuang sewwae nalaksanakangngi tungke-tungke iya napparentaiyyangngE Fuang Allah Ta'ala nennia nabelai tungke-tungke nappesangkaengnge Fuang Allah Ta'la.

Sininna tomatoa malebbikku engkae fada riamasei rifuang Allah Ta'ala.

Narampei riseddiE aya' akoranna Fuang Allah Ta'ala ritujunna tanra-tanranna tau iya mateppe'E lao ri Fuang Allah Ta'ala makkedae :

 انماالمؤمنون الذين اذ ذكرالله وجلت قلوبهم واذاتليت عليهم زادتهم ايماناوعلى ربهم يتوكلوت

Bettuanna :

Majeppu'na tau mateppe'E yanaritu narekko rirampei asenna Fuang Allah Ta'ala engkai ritu bergetar atinna. Narekko ribacangngi aya-aya'na Fuang Allah Ta'ala engkai ritu simata tattambai teppe'na.

Maksudna ada yanaritu naiya riasengnge tau mateeppe narekko engkai ritu irampe asenna Fung Allah Ta'ala misalna kalim Bismillahir Rahmanir Rahim, majeppu engkai ritu patabbukka ati macinnonna pangngoloi rifuang Allah Ta'la sambil simata naettokeng ati mekkeda Idi'mi puang uonroi mallinrung, idi'mi fuankku simata nenniya iya' ata'tta. Kemudian rilaenna riasengnge tau mateppe yanaritu narekko ribacangngi aya' aya'na Fuang Allah Ta'ala majeeppu'na engkai ritu simata tingkatkangngi pappojinna lao ri Fuang Allah Ta'al yarega tomakkeda حبل من الله

Sininn tomatoa malebbikku engkae fada riamasei rifuang Allah Ta'ala

Nafannessai anre guru tofanritata makkeda naiya mua riasengnge tau mateppe' tongeng-tongeng yanritu :

اعتقادباالقلب :                                                           Nafattongeng nasaba ati

وتطبيق بااللسان :                                                                  Nafoadai nasaba lila

وصفه بعمله :                         Nafogaui / Nafaddufai nasaba fangkaukeng

Bettuanna ada naiya mua tau mateeppe'E yanaritu tanniya makkeda mateppe belle-belle akan tetapi atinna mappattongeng, lilana makkeada nennia watakkalena posifa'iu. Bukan hanya tulisan dan kata-kata akan tetapi terbukti dalam perbuatan dengan demnikian maka manisnya iman akan terasakan juga.

Sininn tomatoa malebbikku engkae fada riamasei rifuang Allah Ta'ala

Sebagai kesimpulan, pada lao'ni mai simata pangngoloi ati macinnotta lao ri Fuang sewwae nennia simata mateppe lao ri Fuang Allah Ta'ala. Lebih kurangnya mohon dimaafkan, Wabillahi Taufiq Wal-Inayah akhirul kalam.

            السلام عليكم ورحمةالله وبركاته